پول هر انسان عشقی دور سن اولما عاشق انسانا
وار پولون گر سیر ائله یوخ دور نیازون انسانا
عاشق اولموشسان اگر سن عمری برباد ائتمیسن
یوخ گونون معشوقه سیز قالماخ سزادور انسانا
گر تعلل ایله سن دلبر سنی تنها قویار
قانمیان سسلر سنی اولماز حیاسی انسانا
هچ سالوب چیخماز کی سن جان اوسته سن یا دارداسان
دایما ایلر سنی شرمنده هر آن انسانا
پول حلال ایلر سنه هر حوری نامحرمی
سوگی نامحرم اولار یوخسول اولان گون انسانا