گزيده ای از شعر تعریف
مقام حضرت امام حسن علیه السلام
فطرتاً احمدی و فاطمی و حیدریدی
معدلت واژه سينون روحیدی هم پیکریدی
هم یرون زینتی هم یدی گویون زیوری دی
عالم معنی ده ده صاحب شهرت دی حسن
عالم جاری اولان سوزلری قرآن سوزیدی
لبلری ناطق قرآن گوزی قرآن گوزیدی
گر خطااولماسا سن فکر ايله قرآن ئوزیدی
وارث قاری آیات بَرائت دی حسن
بذل و بخشش ده بیرنیدن دالیا قالمازدی
حق یولوندا نه ویریدی قیدوب آلمازدی
سائلی دشمن اولیدی یولا بوش سالمازدی
من نه اندازه یازوم کان کرامت دی حسن
یازیلوب صفحه تاریخیده گویا و کثیر
اولونوب مستدرک حاکم ده قویاً تحریر
نقل ایدوب عبدالله بن عُبید بن عٌمیر
گر آچیق گوزله گورک سایه رحمت دی حسن
مهریدن تز یوزینون نوری طلوع ایلردی
نور سیماسینه خورشید رکوع ایلردی
اِذن تابش آلا مولایه رجوع ایلردی
چون بیلور ناشر انوار ولایت دی حسن
کیمدی بخشش ده توانی اولا آیا بو قدر
اوچ یول ئوز ثروتینی بذل ایلیوب طبق خبر
ایرمی بش دفعه پیاده الیوب حجه سفر
کعبیه گرچی ئوزی قبله عزت دی حسن
5 امتیاز + /
0 امتیاز - 1395/04/01 - 11:26